બ્લેફરાઈટીસ (Blepharitis)
બ્લેફરાઈટીસ (Blepharitis) શું છે?
- બ્લેફરાઈટીસ એ પાંપણોનો એક જાતનો સોજો છે જે બેક્ટૅરીયાના ઈન્ફેક્શનના કારણે અથવા તો ચામડીના રોગને કારણે થાય છે.
મને બ્લેફરાઈટીસ (Blepharitis) છે તે કેવી રીતે ખબર પડે ?
- Blepharitis માં પાપણોની ધાર લાલ થઈ જાય છે.
- આંખમાં ખૂબ જ ચળ પણ આવી શકે છે.
- આંખમાં કંઈક પડ્યું હોય તેવું લાગે છે.
- ઘણી વખત આંખો કોરી હોય તેવો ભાસ થાય છે. અમુક સંજોગોમાં બ્લેફરાઈટીસ ચામડીના અન્ય રોગો જેવા કે ROSACEA જોડે પણ થઈ શકે છે.
બ્લેફરાઈટીસ (Blepharitis) કેમ થાય છે?
બ્લેફરાઈટીસ મહદંશે પુખ્તવયના લોકોને થાય છે.
આપણી પાપણની ગ્રંથિમાં ચેપ લાગવાથી અથવા તો તેમાં રહેલા સ્થગિત બેક્ટેરિયાના ફેરફારને કારણે બ્લેફરાઈટીસ થાય છે.
બ્લેફરાઈટીસ એ ચેપી રોગ નથી આથી તે એક માણસથી બીજા માણસમાં ફેલાતો નથી.
બ્લેફરાઈટીસ (Blepharitis) ની સારવાર શું છે?
- બ્લેફરાઈટીસની મુખ્ય સારવાર એ પાંપણોની કાળજી તથા સફાઈ રાખવી છે.
- પાંપણની ધારને હલકે હાથે સ્ક્રબ કરવી જોઈએ. (હળવાશથી ઘસીને સાફ કરવી) તેના માટે તમે બેબી શેમ્પુ કે થોડો ખાવાનો સોડા પણ વાપરી શકો છો.
- પાંપણોનો કોરો શેક કરવાથી પણ ઘણો લાભ થાય છે.
- વધારે તકલીફમાં તમારા આંખના નિષ્ણાંત તમને એન્ટિબાયોટીક +- સ્ટિરોઈડ નું ઓઈન્ટ્મેન્ટ કે ટીપાં પણ આપી શકે છે.
આ તમામ જાણકારી માત્ર માહીતીદર્શક છે અને તેનો તમારા રોગના નિદાન તથા સારવાર માટે સ્વ-ઉપયોગ ન કરવા વિનંતી છે. તમારી આંખની કોઈપણ તકલીફ માટે આંખના નિષ્ણાત તબીબનો સંપર્ક કરવો. - ડો. ધવલ પટેલ (MD, AIIMS Delhi)